Windows სისტემის ინსტალაციის ინსტრუქცია

Win 10-ის ინსტალაცია 

ვინდოუსის ინსტალაციის ტიპები. 

არსებობს ორი ტიპის ვინდოუსის ინსტალაცია: 

1) როდესაც C:\ დისკი ფორმატდება და იშლება ყველა ზედ არსებული ფაილი. 

2) ინსტალაცია იწყება  იგივე სისტემიდან (როგორც ვაყენებთ ახალ პროგრამას) და ძველი ფაილები ინახება კონკრეტულად ერთ დოკუმენტში რომელიც ავტომატურად იშლება 10-დან 30 დღემდე. Ამ მეთოდს აქვს ერთი უარყოფითი მხარე რომ, თეორიულად არის შესაძლებელი წინა სისტემიდან ახალშიც გადმოვიდეს ვირუსი და ისევ გააგრძელოს კომპიუტერმა შეფერხებული მუშაობა. 

რა გვჭირდება: 

მინიმუმ 8 GB-იანი ფლეშ მეხსიერება.  

Რეკომენდირებულია ინტერნეტთან წვდომა ინტერნეტის(ethernet) კაბელით ინსტალაციის პერიოდში.  

Windows 10-ის ინსტალაციის ინსტრუქცია ფლეშ მეხსიერებაზე: 

     პირველ რიგში ჩვენ უნდა გადმოვწეროთ ვინდოუს 10-ის საინსტალაციო ფაილი, რომელიც შეგიძლიათ გადმოწეროთ შემდეგი ლინკიდან : https://www.microsoft.com/en-u... 

ამ პატარა ფაილის გადმოწერის შემდეგ, გაუშვით და დააკლიკეთ Create Installation Media ( USB flash Drive, DVD, or ISO file ) for another PC

მომდევნო გვერდზე ვირჩევთ შემდეგ პარამეტრებს: 

1) language - ენა რომელზეც გსურთ იმუშაოს თქვენმა სისტემამ 

2) Edition - ირჩევთ რა თვისებების მქონე იყოს სისტემა. რეკომენდირებულია Windows pro იმისათვის, რომ სისტემის ყველა პარამეტრი იყოს შესული.  მაგალითად, როგორიცაა remote desktop-ის უფრო დაცულობა და ა.შ 

3) Architecture : თუ თქვენ კომპიუტერს აქვს 2GB ოპერატიული მეხსიერება(RAM) და 32GB მეტი თავისუფალი ადგილი მეხსიერებაში თქვენ შეგიძლიათ დააყენოთ 64 –bit იანი სისტემა. იმ შემთხვევაში თუ თქვენი კომპიუტერის ოპერატიული მეხსიერება არის 2GB ზე ნაკლები, უნდა აირჩიოთ 32bit იანი სისტემა 

  შემდეგ სქრინზე გექნებათ ორი არჩევანი, რომლიდანაც უნდა აირჩიოთ USB Flash Drive. ამ დროს თქვენ უკვე  შეერთებული უნდა გქონდეთ ფლეშ მეხსიერება არანაკლებ 8GB ისა,  რომ დაინახოს პროგრამამ. 

დასრულების შემდეგ გადატვირთეთ კომპიუტერი.  

ვინდოუსის ინსტალაცია.  

   ვინდოუსის ინსტალაციის დაწყება არის ყველაზე რთული პროცესი. Თქვენ პირველ რიგში უნდა იცოდეთ თქვენი მოწყობილობის მწარმოებელი ბრენდი , desktop კომპიუტერის შემთხვევაში დედაპლატის ანუ motherboard-ის მწარმოებელი ბრენდი და მოდელი, მარტივად მისი გაგება მოწყობილობის ჩართვისას ეკრანზე გამოტანილი ლოგოა.  მწარმოებლის მიხედვით ჩვენ უნდა მივუთითოთ მოწყობილობას, რომ პირველ რიგში წაიკითხოს არა არსებულ ვინჩესტერზე ჩაწერილი სისტემა, არამედ ჩვენ მიერ შეერთებული ფლეშ მეხსიერებაზე ჩაწერილი ფაილები. 

კომპიუტერის ჩართვასთან ერთად ჩვენ უნდა დავიწყოთ “boot menu”-ს ღილაკებზე დაჭერა ან BIOS-ში შესასვლელ ღილაკებზე დაჭერა. Პირველ რიგში გირჩევთ თუ აქვს თქვენ დედაპლატას “boot menu”-ს მხარდაჭერა, დააჭირეთ “boot menu”-ში შესასვლელ ღილაკს. დაჭერის შემდეგ ეკრანზე გამოგიტანთ დაახლოებით ასეთ ფანჯარას. ამ ფანჯარაში კლავიატურაზე ისრების მეშვეობით აირჩიეთ თქვენი მოწყობილობა, ძირითადად ფლეშ მეხსიერება აღნიშნულია "USB” ტექსტით. ისრებით ვირჩევთ ამ მოწყობილობას, და ვაწვებით “Enter”-ს.  

 თუ თქვენს მოწყობილობას აქვს მხარდაჭერა გამოგიტანოთ ეკრანზე boot menu - ს ასარჩევი ფანჯარა, ჩვენ  პირდაპირ ავირჩევთ ჩვენ მიერ შეერთებულ ფლეშ მეხსიერებას ამ მენიუში. Როგორც ნაჩვენებია სურათზე USB: და შემდეგ ჩვენი ფლეშ მეხსიერების სახელს დავაწვებით 

Თუ მსგავსი მხარდაჭერა არ აქვს ჩვენს მოწყობილობას და Boot menu-ს ღილაკებზე არ რეაგირებს, მაშინ ჩვენ უნდა გამოვიყენოთ ცხრილში მითითებული BIOS ის ღილაკები. BIOS - ში შესვლის შემდეგ ჩვენ უნდა მოვძებნოთ BOOT MENU-ს პარამეტრები 

BIOS ის ინტერფეისი ყველა კომპიუტერზე განსხვავდება ერთმანეთისგან, ჩვენ უნდა მოვძებნოთ BOOT მენიუ და შემდეგ პირველ ადგილზე უნდა დავაყენოთ ჩვენი ფლეშ მეხსიერება.  

Ცხრილში მოცემულია ზოგადად მწარმოებლების ხშირად გამოყენებული BOOT MENU და BIOS ში შესვლის ღილაკები, მაგრამ რეკომენდირებულია თქვენით მოიძიოთ საძიებო სისტემაში, რომელი ღილაკები შეესაბამება კონკრეტულად თქვენ მოდელ მოწყობილობას.

აქ ჩასასმელი მაქვს ლინკი 

ამ ეტაპის გავლის შემდეგ, სირთულე დავიტოვეთ უკან. მაგრამ აუცილებელია ვიყოთ ყურადღებით რომ არ წაგვეშალოს D:\ დისკზე არსებული ინფორმაცია.  

ეკრანზე დაგიწერთ შემდეგ ტექსტს. 

ამ დროს აუცილებელია დააჭიროთ ნებისმიერ ღილაკს კლავიატურაზე, რომ დაიწყოს ვინდოუსის ინსტალაცია.  

 შემდეგი ეტაპი: 

ჩვენ ჩაწერის დროს უკვე ავირჩიეთ სასურველი ენა. ამიტომ ამ სქრინს არ ვეხებით და გადავდივართ NEXT ღილაკით შემდეგ საფეხურზე.

ამ გვერდზე ვაწვებით install now-ს

 შემდეგ ეტაპზე გვთხოვს ლიცენზიის კოდის შეყვანას. თუ არ გაქვთ ლიცენზია ნაყიდი ვინდოუს 10 ისთვის მაშინ დააკლიკეთ I don’t Have a Product Key 

შემდეგ ეტაპზე ვირჩევთ იმ ვინდოუსის ვერსიას რომელიც ჩვენ გვსურს.  ჩვენ გირჩევთ Pro-ს დაყენებას.  

შემდეგ ვეთანხმებით ლიცენზიას. ვნიშნავთ I accept the license terms, და გადავდივართ შემდეგზე Next ღილაკით.  

შემდეგ ვირჩევთ Custom: Install Windows Only(advanced).  

შემდეგ ეტაპზე აუცილებელია ვიცოდეთ ჩვენი D დისკის (დისკის, რომელზეც ინფორმაციას ვინახავთ) მოცულობა.  

ამ სქრინზე გამოსახულია UEFI-სისტემა, მარტივად რომ აგიხსნათ, ვშლით ყველა დისკს, რაც 1GB-ზე ნაკლებია. პირველ რიგში, მარტივად მონიშნავთ და დააკლიკებთ Delete

ასევე როგორც ხედავთ მაქვს ორი Primary დრაივი. აქედან ერთი არის C დისკი, სადაც სისტემა იწერება და მეორე არის D დისკი სადაც ვინახავთ საჭირო ინფორმაციას. ხშირ შემთხვევაში, C დისკი არის უფრო დაბალი Partition-ი ვიდრე D დისკი, მაგრამ მხოლოდ ამას ვერ დავეყრდნობით ამიტომ უნდა ვიცოდეთ D დისკის მოცულობა. რომ შევძლოთ წასაშლელი დისკისა და შესანახი დისკის გარჩევა. 

 ჩვენი რეკომენდაციაა, სანამ ამ ინსტალაციას დაიწყებდეთ, თქვენი შესანახი ფაილები გადაიტანოთ გუგლის დრაივზე, ან დიდ ფლეშ მეხსიერების ბარათზე სადაც ჩაგეტევათ თქვენი ფაილები. 

 ამ შემთხვევაში ჩემი წაშაშლელი დისკი არის Drive 0 Partition 4, ვაჭერთ Delete-ს, და უნდა გვქონდეს შემდეგი მოცემულობა.  

D დისკს, არ ვეხებით, ანუ ფაილები არ იშლება.  

შემდეგ ვაკლიკებთ New-ს.  Apply  და ბოლოს OK,  ბოლოს ისევ უნდა გამოიყურებოდეს თქვენი დისკები ისევ ისე როგორც დაიწყეთ. 

შემდეგ მონიშნული თუ არის Primary დისკი, რომელიც არ არის D დისკი, ვაკლიკებთ Next-ს. 

და ველოდებით ინსტალაციის დასრულებას.  

კომპიუტერი შეიძლება გადაიტვირთოს რამდენიმეჯერ თუმცა, არაფერს არ ვეხებით.

შემდეგ ეტაპზე ვირჩევთ რეგიონს.  

ვამატებთ კლავიატურის ენას. თუ ინგლისურ ვერსიას აყენებთ, პირდაპირ YES-ს დააკლიკეთ. 

შემდეგ ეტაპზე შეგვიძლია დავამატოთ ქართული საწერი კლავიატურა.

ვაჭერთ Add Layout-ს, ვირჩევთ Georgian QWERTY-ს და ვაჭერთ Add – Layout -ს.  

ანდა თუ არ გვინდა დამატებით ენის დამატება ვაჭერთ Skips-ს . 

შემდეგ ეტაპზე ვირჩევთ Set up for personal use -ს და Next-ს. 

ამ სურათზე, თუ გვაქვს უკვე Microsoft account შეგვყავს მითითებული მონაცემები, სხვა შემთხვევაში ვაჭერთ Offline Account-ს. 

ამ სურათზე ვაჭერთ Limited Experience-ს .  

ვქმნით User-ს, აქ შეგიძლიათ გამოიყენოთ თქვენი სახელი. ვაჭერთ Next-ს და ვაყენებთ პაროლს. პაროლის დაყენება კომპიუტერზე არის აუცილებელი ის გვიცავს როგორც ფიზიკურად მესამე პირის წვდომისგან ჩვენ ფაილებზე და დოკუმენტებზე, ასევე ინტერნეტის საშუალებით სხვების შემოღწევასაც უშლის ხელს. ამიტომ, ჩვენ რეკომენდაციას გაძლევთ, დააყენოთ პაროლი.  

ამ სქრინზე ვაკლიკებთ No-ს  

ამ სქრინზე ვაჭერთ Decline-ს.  

 შემდეგ სურათზე ვთიშავთ ყველაფერს.  ანუ გადავყავს No-ზე. 

Ამ ეტაპის გავლის შემდეგ, ინსტალაცია დასრულდება და გაგიხსნით თქვენი USER ის ეკრანს. 

გილოცავთ თქვენ წარმატებით დაასრულეთ ვინდოუსის ინსტალაცია.  

კონსულტაცია უფასოა, კითხვების შემთხვევაში დაგვიკავშირდით 2 800 888, ჰელფდესკის გუნდი მზად არის დაგეხმაროთ.